Fondo cabecera Concello de Baralla

Igrexa de O Salvador de Piñeira

Igrexa de O Salvador de Piñeira

A igrexa parroquial está situada nun outeiro que recibe o nome de Alto de San Gregorio, onde parece que estivo situada unha pequena capela de advocación a este santo.

O vello templo ardeu en 1926, data na que foi erguido o actual.

Frontis con comporta en arco de medio punto, sen impostas.

Posúe un adro-cemiterio que circunda a parte dianteira da igrexa, e ten unha nave corrida cuberta de lousa sobre armazón de madeira, baixo o que se sitúa barrotiño caleado.

A espadana de dous corpos, con vanos no inferior e un no superior.

O presbiterio é máis baixo e máis reducido que a nave, arco de acceso de medio punto e bóveda de canón, e por el, no lateral sur, accedese á sancristía.

Retablo barroco que ocupa todo o testeiro, un corpo con tres fornelos e catro columnas salomónicas de acios e outro superior semicircular, que fai de ático, este cun fornelo entre dous pequenos piares. Nel está a imaxe do titular -o Salvador.

No apartado de ourivería hai que salientar o cáliz de prata, custodiado na sancristía, na que tamén se garda un Cristo do XVIII, como a imaxe do Salvador.

Información sobre el documento

Escudo del    Concello de Baralla
Concello de Baralla
Avenida de Evaristo Correa Calderón N°48 – 27680 Baralla - Lugo (Galicia)
Teléfono: 982 363 303